title unavailable

အိပ်ပျော်သွားရမှာ

ငါ သေမလောက် ကြောက်နေတယ်။

မျက်စိတွေ မှိတ်ထားတော့

ချစ်သူက အေးစက်စက်နဲ့

ရက်စက်စွာ ပြုံးပြနေတယ်။

မျက်စိတွေ ဖွင့်ထားပြန်တော့

မြင်မြင်သမျှ အနက်ရင့်ရောင်ထဲက

ချစ်သူ လက်ကမ်းခေါ်နေတယ်။

ငါ့အတွေးတွေက ငါ့ကို ပြန်ခြောက်လှန့်

နှလုံးသားဟာလည်း ဟိုးအမြင့်က

ပစ်ချခံရသလို နာကျင်တယ်။

မငိုချင်ဘူး ချစ်သူ…

အကြိမ်ကြိမ် အားတင်းထားပေမဲ့

ငါ အလွတ်ရနေတဲ့ ဒီ အိပ်မက်ဆိုးတွေကြောင့်

ဘေးနားက အမှောင်ထုကို တိုင်တည်

ငါ ငိုနေရပြန်တယ်။

ချစ်သူ…

ဒါတွေဟာ မင်းအတွက်တော့...

ထမင်းစားပြီးချိန် တမ်းတတတ်တဲ့

စီးကရက် တရှိုက်လောက်

စိတ်ဝင်စားစရာ ကောင်းချင်မှ ကောင်းလိမ့်မယ်။

ဒီလိုနဲ့ပဲ

မနက်မိုးသောက် အလင်းရောက်လာပြန်ပြီ ချစ်သူ…

ဒါပေမဲ့

အချိန်တွေ တပတ်လည်

ညပြန်ရောက်သွားရမှာ

ငါ သေမလောက် ကြောက်နေတယ်။

Art of Crying

ဟုတ်သည်။ သူမ အမှန်အကန် ငိုနေခြင်းဖြစ်သည်။ ချောမွေ့နေတဲ့ ပါးပြင်တလျှောက် မျက်ရည်တွေ တလိမ့်လိမ့် ကျဆင်းနေတာပင် အလွမ်းအဆွေး ကဗျာ တပုဒ်ကို ဖတ်ရှူနေရသလို အလွန် နှစ်လိုဖွယ်ကောင်းနေ၏။ အသနားခံနေတဲ့ မျက်ဝန်းညိုညိုမှာ မျက်ရည်ကြည်တွေ ၀ဲခိုနေ၍ ထင်သည်… မျက်လုံးအိမ်မှာ အရောင်ဆန်းတို့ တဖျတ်ဖျတ်လက်လို့… ။ ရှိူက်သံ တချက်နှင့် အတူ စကားလုံးတို့ အမှားအယွင်း အထစ်အငေါ့ မရှိ ထွက်ကျလာ၏။ တုန်ရီနေသော နှူတ်ခမ်းနှင့် စည်းဝါးကိုက်စွာ ယှဉ်တွဲပါလာသော လူတိုင်းနီးပါး အလွတ်ရပြီးသား စာသားအချို့…

` ကို… ငါ့အတွက် နင်မရှိလို့ မဖြစ်ဘူး… ငါ့ကိုမထားခဲ့ပါနဲ့ … ´

သူမ တားနေသည့်ကြားက သူ ကျောခိုင်း၍ ဆက်လျှောက်သွားလေ၏။ မျက်ဝန်းအိမ်ကို စုံမှိတ်ပြီး နှူတ်ခမ်းကို ခပ်တင်းတင်းကိုက်ကာ အလှပဆုံး ဆက်၍ ငိုကြွေးပြန်သည်။

` ကဒ်….. ´

ချီးကျူးသံများ၊ အားရ ကျေနပ်သံများကြားမှ သူမ တိုးထွက်လာခဲ့၏။ ခုနက ကြည့် အကောင်းဆုံးဖြစ်အောင် သူမ ငိုကြွေးခဲ့ရသော မျက်ရည်များအား တစ်ရှူးစဖြင့် အသာတို့ဖျက်လိုက်သည်။ ရင်ထဲမှာက ဘာနဲ့မှ မတူတဲ့ ၀မ်းသာကြည်နူးမှုနှင့် အတူ လက်ကိုင်ဖုန်းမှ ခေါက်ရိုးကျိုး ဖုန်းနံပါတ်တခုကို နှိပ်မိပြီးသား….

` ဟဲလို .. မောင်လား… ။ တို့ ဒီမနက်ပဲ ရှူတင် မသွားခင် ဆေးခန်းမှာ ၀င်စစ်ခဲ့တယ်။ သေချာတယ်မောင်ရဲ့… ။ တို့ သိသိချင်းကထဲက အရမ်းဝမ်းသာပြီး ဖုန်းဆက်နေတာ…… မရလို့… အင်း… ဟုတ်တယ်…. အခု တဆင်းန်တောင် ပြီးသွားပြီလေ… မောင့်ကိုလည်း ၀မ်းသာစေချင်လို့… ………………………. ………………………………. ………………………… ………………. ´

ဟုတ်တော့ ဟုတ်သည်။ သူမ အမှန်အကန် ငိုခဲ့ခြင်း ဖြစ်သည်။


~ ~ ~ ~ ~


သူမ လုံးဝ မငိုပါ။ ဒါကိုပဲ ဘေးမှ အားမလို အားမရနှင့် ` ငိုချလိုက်လေ… ပေါ့သွားအောင် ငိုချပစ်လိုက်.. ကျိတ်ပြီး တင်းမထားနဲ့… စိတ်ကို လျှော့လိုက် ´

သူမ စိတ်ကို လျှော့ချလိုက်ပါသည်။ သို့သော် မျက်ရည်တော့ ကျမလာဘဲ သက်ပြင်းတချက်သာ လေထဲ အငွေ့ပျံသွားပြန်၏။ ကာယကံရှင် သူမက သက်ပြင်းတွေသာ အကြိမ်ကြိမ် မှုတ်ထုတ်နေပေမယ့် သူ့ဟာနဲ့ သူတော့ အဆင်ပြေနေသား… စီကာ ပတ်ကုံး ပြောပြီး အလွမ်းသယ်ပေးနေသည့် တစ်ဦးဦးက ရှိနှင့်နေပြီးသား…

` အောင်မလေး… သေနေလိုက်တာများ… အိပ်ပျော်နေတာကျနေတာပဲ… ထကြည့်ပါဦးဟဲ့… နင် ချစ်တဲ့ နင့်မိန်းမနဲ့ သမီးလေးကို… ………………. ……………… ´
( မှတ်ချက်။ ။ ငိုသံကြီးဖြင့် ဖတ်ရန်။ ရန်တွေ့ နေခြင်းမဟုတ် )

တဖြောက်ဖြောက် ကွာစေ့ကိုက်သံ… ဟိုတစု ဒီတစုလူတွေရဲ့ တယောက်တပေါက် ( နှစ်ယောက် နှစ်ပေါက် ) စကားသံ အချို့… လူသံ ဆူဆူညံညံကြားထဲမှာပင် စားပွဲလေးချကာ စာကျက်နေသော သမီးငယ်… ဘေးမှ ပေါ့သွားအောင်ဟု ဆိုကာ ငိုချင်းချခိုင်းနေသော တိုက်တွန်းမှု…. ။ အလှည့်ကျ ပြန်လည်ပတ်လာသော အခန်းကျဉ်းလေးထဲမှ ထိုအသံများကြောင့် သူမ နံရံကို ခေါင်းမှီပြီး မျက်စိ တချက်မှိတ်လိုက်မိသည်။ ခင်ပွန်းကိုပဲ အားကိုးလာခဲ့သော သူမအဖို့ ရှေ့လျောက် မည်သို့ ခရီးဆက်ရမည် မသိ… ။ သမီးငယ်လေးနှင့် ကျန်ရစ်ခဲ့ရမယ့် သူမရဲ့ မုဆိုးမ တယောက် ဘ၀အစ… ။

သူမကို အချို့က မေးငေါ့ချင်ကြ၏။ ခင်ပွန်းဆုံးပါးတာတောင် မျက်ရည်မကျလို့တဲ့လေ။ တကယ်လည်း သူမ အခုအချိန် မငိုနိုင်… ။ ရှေ့ဆက်လျှောက်ရမယ့် အမှောင်လမ်းအတွက် သူမငိုရဦးမှာ မလွဲဧကန်ဖြစ်သည်။ မျက်ရည်တွေ ချွေတာ စီစစ်နေတယ်ပဲ ပြောပြော… ဘယ်လိုမိန်းမစားလည်း မသိဘူးလို့ပဲ ဝေဖန်ပါစေဦးတော့… ဆက်သွားရမယ့် ခရီးလမ်းမှာ ထိုသူများ ဘေးမှ လိုက်ပါမည်မဟုတ်ကြောင်း သေချာနေမှတော့……

` ငိုချင် ငိုချလိုက်ပါလေ… အဲ့လိုပဲ အံချည်း ကျိတ်မနေပါနဲ့အေ့…… ……………………… ………………. ´

သို့သော်…. သူမ လုံးဝ မငိုဖြစ်ခဲ့ပါ။
( ထို အခိုက်အတန့် ခဏ အတွင်းကိုသာ ရေးဖွဲ့ထားခြင်းဖြစ်သည်။ နောက်ကွယ်ကျမှ သူမ ကျိတ်ငိုနေမလား မငိုဖြစ်ဘူးလား စသည့် အပိုင်းများမှာ ယခု စာပုဒ်နှင့် လုံးဝ မသက်ဆိုင်ပါ။ )


~ ~ ~ ~ ~


သူမ မငိုမိအောင် ကြိုးစားနေ၏.. ။ သို့သော် မျက်ရည်တို့က မျက်လုံးထောင့်စွန်း နှစ်ဖက်မှ အပြိုင် လိမ့်ဆင်းလာကြသည်။ ငိုမိမှာ စိုး၍ စိတ်ပြောင်းသွားအောင် နားထောင်နေသော သီချင်းသံတို့ နားထဲ လုံးဝ မတိုးဝင်နိုင်တော့…. လှဲနေရင်းနှင့် ကျလာရသော မျက်ရည်တို့၏ လမ်းဆုံးကား………… သူမကိုယ် သူမ ငိုနေတာ သတိထားမိတော့ ခေါင်းအုံးမှာ မျက်ရည်တွေ ရွဲစိုနေခဲ့ပြီးသားဖြစ်၏။

ဟန်ဆောင်ခြင်းကို အလွန်မုန်းသော သူမဖြစ်သည်။ အခုငိုနေရခြင်းမှာ ဟန်မဆောင်ခဲ့မိသည့် အတွက် နောင်တရနေခြင်းလား…. ။ ဟန်မဆောင်ချင်ပါလျက်နဲ့ ဟန်ဆောင်ရတော့မည့် အတွက် ၀မ်းနည်းနေခြင်းလား… မည်သူမျှ မသိနိုင်… ။
လောကကြီးထံမှ ဘုန်းပေါလအော သင်ယူ၍ ရနိုင်သော သင်ခန်းစာများထဲမှ သူမ မနှစ်သက်ဆုံး ဟန်ဆောင်ခြင်း ဘာသာရပ်ကို မသင်ယူခဲ့မိသည့်အတွက် အခု သူမ ငိုနေရပြီ… ။ သူမ ကျော်ဖတ်မိခဲ့သော စာမျက်နှာများမှ ပေးသော သင်ခန်းစာမှာ သူမအတွက် အနည်းငယ် ခါးသီး၏။

အများအတွက် ရီစရာ ကိစ္စတခုဟာ သူမရဲ့ ပုဂ္ဂလိက ခံစားချက်အရ ငိုကြွေးစရာ ဖြစ်နေပါက သူမရောယောင်၍ ဟန်ဆောင် မပြုံးပြ တတ်ခဲ့ပါ။ ခပ်ပေါ့ပေါ့ ပျော်ရွှင်စရာ ကိစ္စတခုအား လွတ်လွတ်လပ်လပ် မပျော်ရွှင်ပါဘဲ ကြိတ်မှိတ်အောင့်အီး၍ မဲ့ပြရအောင်ကလည်း သူမဟာ သရုပ်ဆောင် ၀ါသနာပါသူ တယောက်မဟုတ်ခဲ့။ ကိုယ်ပိုင် မဟုတ်သော ကြေးစားခံစားချက်မျိုး မရှိကောင်းဟု ခံယူထားသော သူမ၏ အတွေးအား မှားလား မှန်လား ဆုံးဖြတ်ပေးနိုင်မည့် သမာဓိရှိသော ဒိုင်လူကြီးမျိုး ဒီကမ္ဘာပေါ်တွင် မပေါ်ထွန်းလောက်သေး… ။

ဟန်ဆောင်ခြင်း အလျှင်းမပါပဲ… စိတ်အားငယ်ခြင်း၊ နားမလည်နိုင်ခြင်း၊ ထိတ်လန့်ကြောက်ရွံ့ခြင်းများဖြင့် သူမ သည်းထန်စွာ ငိုကြွေးနေသည်။

သူမ မငိုမိအောင်တော့ ကြိုးစားခဲ့ပါသေး၏… ။

~~ Happy Birthday To My Darling Dude ~~

ကျမ ဆိုးသမျှ ဂျီကျသမျှ မငြိုငြင်ပဲ သည်းခံတတ်တဲ့သူ၊ ဒေါသထွက်စရာ ကိစ္စတွေ ကြုံလာရင် တတ်နိုင်သလောက် ဒေါသကို ထိန်းပြီး ခေါင်းအေးအေးနဲ့ စဉ်းစားဖို့ ကျမကို ပြောပြပေးခဲ့တဲ့သူ၊ ကြုံတွေ့ရသမျှ အဆင်မပြေမှုတွေကို စိတ်ရှည်ရှည်နဲ့ အမြဲနားထောင်ပေးပြီး နှစ်သိမ့်တတ်တဲ့ သူ၊ ရယ်မောစရာ ကိစ္စတွေမှာ အတူတူရယ်မောပြီး စိတ်ဆင်းရဲစရာဆိုလည်း အတူ မျှဝေ ခံစားပေးတတ်တဲ့ သူ၊ ဒီလို တခုချင်းစီသာ ချရေးနေရင် တနေ့လုံး ရေးလို့ မပြီးနိုင်တော့လောက်အောင် အမှတ်တရပေါင်း များစွာ ပိုင်ဆိုင်တဲ့ ကျမရဲ့ ချစ်သူ… အခုမွေးနေ့မှ စပြီး ရှေ့လျှောက် ကျမ ဂျစ်တိုက်သမျှ စိတ်မပျက်ဘဲ ဆက်လက် သည်းခံနိုင်ပါစေ။ :P ပြည့်တာ မပြည့်တာ အပထား။ ဆုတော့ တောင်းပေးလိုက်မယ်နော်။ လိုအင် ဆန္ဒအားလုံးလည်း ပြည့်ဝပါစေ။ အခက်အခဲတွေ အားလုံး ကျော်ဖြတ်နိုင်ပါစေ။ ကိုယ်ချစ်တဲ့ သူနဲ့လည်း ပေါင်းရပါစေ။ နှလုံးသားရေးရာတွေလည်း အဆင်ပြေပါစေ။ :P ဆုတောင်းလို့ ပြီးပြီ။ ရော့… တခွက်လောက်ချလိုက်တော့။ ဟီးး… ကုန်သွားပြီလား။ မြန်တယ်နော်။ :P ဒါဆို ကိတ်မုန့်စား။ ဒါကတော့ ချစ်သူအတွက် အထူးသီးသန့် လက်ဆောင်။ Handmade အစစ် လက်ပတ်ကြိုးလေး။ ဒါက Post card… နောက်နှစ် နောက်နှစ်မွေးနေ့တွေမှာတော့ အခုလို အွန်လိုင်းက Birthday Cake မဟုတ်ဘဲ အစစ်အမှန် Birthday Cake နဲ့ မွေးနေ့လက်ဆောင်တွေ အမှန်တကယ် ပေးခွင့်ရပါစေလို့ ဆုတောင်းရင်း… ။ ပျော်ရွှင်ပါစေ ချစ်သူ။

ညီမလေးတို့ ပြန်တွေ့ကြမယ်။ ။

အလွမ်းပြေလို့ပဲ ပြောပြော ကိုကြီးရေ... ။ တကယ်က အလွမ်းမပြေပဲ ပိုပြီး သတိရနေတယ်။ ကိုကြီး အစစ အရာရာ ဘေးရန်ကင်းပြီး ပြန်လာမယ့်နေ့ကို စောင့်မျှော်နေတယ်နော်။ ဟုတ်တယ်... ကိုကြီးရေးခဲ့တဲ့ ကဗျာလေးလိုပဲ ညီမလေးတို့ တနေ့ ပြန်တွေ့ကြမယ်။ ။


ကောင်းကင်ပြာကို
တိမ်ညစ်တို့ အုပ်စိုး
ပြီးတော့ ..
အက်ဆစ်မိုးတို့ ရွာချ
ဘ၀တွေ နစ်မွန်း သွားကြတယ်။

ကျေးငှက်တွေက အတောင်ပံတွေကို တမ်းတ
ပန်းပွင့်တွေက ရနံ့တွေကို သတိရ
စမ်းချောင်းတွေက စီးဆင်းခွင့်တွေကို မျှော်လင့်ကြရင်း
စိတ်ကူးတွေကို မြိုသိပ်
တိတ်တဆိတ် ခရီးဆက်ကြတယ်။

တနေ့နေ့ပေါ့…
တိမ်ညစ်တို့ ဖရိုဖရဲ
မိုးစက်တွေ စဲမယ့် တစ်နေ့
ငြိမ်းချမ်းခြင်းရဲ့ ရှေ့မှာ
ငါတို့ ပြန်တွေ့ကြမယ်။ ။

( နေဘုန်းလတ် )

* * * * *

Let’s go.. My Friends

In our Brain,
There is a firm Faith
Which is forever definite
For the eternity of fate.

In our Mind,
There is a gentle compassion
Without hoping anything
For everybody meeting.

In our Heart,
There is a white Love
Without any attachment
For the hate no end.

Let’s go My Friends
In the Momentary period
By living with the right and honest
Let’s leave the real history of the Guest
As the precious instance for the world of us.

( နေဘုန်းလတ် )

` ခဏတာ ခွဲခွာနေရသော အကို´

ခေတ္တ ခွဲခွာနေရသော ကျမ အကို အတွက် ညီမတယောက်က ရေးထားတဲ့ စာလေးပါ။ သူ့ ကိုယ်ပိုင် ဘလော့ဂ် မရှိတဲ့ အတွက်ကြောင့် ကျမ ဘလော့ဂ်မှာ အားလုံးဖတ်လို့ ရအောင် တင်ပေးတာပါ။ အကို တယောက်အတွက် ညီမတွေရဲ့ ခံစားချက်ကို ဖတ်ရှုကြည့်ပါဦးနော်။ ကျမကိုယ်တိုင် စာရိုက်ပေးခဲ့တာ ဖြစ်သလို လိုအပ်တဲ့ နေရာလေးတွေကို ဖြည့်စွက်ပေးထားပါတယ်။ ဘယ်လိုပဲဖြစ်ဖြစ် စာတလုံးတိုင်းကို ခံစားချက်များဖြင့် ဖွဲ့သီထားသည် ဖြစ်ပါ၍....

နေဘုန်းလတ်သို့.....

ခံစားချက်ကို စာဖွဲ့ပြချင်သော်လည်း စာမဖွဲ့တတ်တဲ့ ညီမလေး ဒီအတိုင်းပဲ ခံစားချက်ကို ချရေးဖြစ်တယ်။ ကိုကြီးကျော် သိနိုင်ပါစေ.....။

သတင်းဆိုးကြီးကို ကြားကြားခြင်း စိတ်တွေ မတည်မငြိမ်နိုင်ဘဲ ပြိုလဲခဲ့ရတယ်။ ဘယ်လိုဖြစ်ရတာလဲ အကိုရယ်။ မျှော်လင့်ထားခြင်း မရှိတဲ့ ကိစ္စကို ဘယ်လိုမှ မယုံကြည်နိုင်ဘဲ အိမ်ကို အပြေးပြန်ခဲ့ရတယ်။ အတည်မပြုနိုင်သေးတဲ့ အခြေအနေမှာ မျှော်လင့်ချက် ရောင်ခြည်လေးနဲ့ ကိုယ်ဖြစ်ချင်တာတွေကိုပဲ တွေးနေမိတယ်။ ညကျတော့ အိပ်မပျော်နိုင်ဘဲ အိမ်အပြင်ဘက်ကိုပဲ တချိန်လုံး စောင့်မျှော်နေမိတယ်။ တံခါးတွေဖွင့်ရင်း ရင်ထဲမှာ ဟာတာတာနဲ့ပေါ့။

ကိုကျော် လွမ်းတယ်ဆိုတဲ့ စကားကို သုံးလို့ရလား...။ သတိရတာ ထပ်ပိုလို့ပေါ့။ စိတ်ပျက်စရာကောင်းလှတဲ့ ဘ၀ကြီးထဲမှာ စိတ်ပျက်စရာတွေက ဘာဖြစ်လို့ တခုပြီး တခု ကြုံကြိုက်နေရတာလဲဟင်... ။ လစ်ဟာနေတဲ့ နေရာမှာ ဘယ်သူ့ကို အစားထိုးရမှာလဲ... ။ ဘာနဲ့ အစားထိုးရမှာလဲဟင်... ။ ဂုဏ်ယူတယ်ဆိုတဲ့ စကားနဲ့ပဲ ဖြေသိမ့်နေရမှာလား... ။ ၀မ်းနည်းစွာနဲ့ပဲ ငိုကြွေးပြရမှာလား... ။ စိတ်သဘောထားကောင်းလှတဲ့ ငါ့ အကိုကို ဘယ်သူတွေကများ မျက်မုန်းကျိုးရတာလဲ... ။ ဘာအပြစ်နဲ့များ စွဲချက်တင်ချင်ရတာလဲ... ။ ငါ့အကိုလို လူမျိုးဟာ မိခင်တွေအတွက် သားကောင်းတယောက်... ညီမတွေအတွက် အကိုကောင်း တယောက်ပါ။ သူငယ်ချင်းတွေအတွက် မိတ်ဆွေကောင်းတယောက်ပါ။ တိုင်းပြည်အတွက်ဆိုလည်း ရတနာကောင်းပါ။

ညီမလေးနဲ့ အကိုကြားမှာ ယုံကြည်ချက်တွေ၊ ခံယူချက်တွေ မတူညီတာများတယ်နော်။ အမြဲတမ်း ငြင်းခုံကြရင်း..... အကိုရယ် သတိရလိုက်တာ... ။ ညီမလေးအတွက် အင်္ဂါနေ့တွေဟာ ကံဆိုးတတ်တယ်ထင်ပါရဲ့။ အဖေ့ကိစ္စတုန်းကလည်း အင်္ဂါနေ့လေ။ နောက်ပြီး အခြားအခြားသော အင်္ဂါနေ့တွေမှာလဲ ညီမလေး ကံဆိုးခဲ့သေးတယ်။ ဒီလို အကို့ ကို ပြောမိရင် ` နင် စိတ်ထင်လို့ပါ ညီမရယ် ´ လို့ အကို ပြန်ပြောမယ့် စကားလေး တွေးပြီး ကြားယောင်မိတယ်။

အဖိုးမွေးနေ့တုန်းကလည်းလေ အကို့ကို မျှော်နေမိကြတယ်။ မလာဖြစ်မယ်မှန်း သိရက်နဲ့ ညီအကို မောင်နှမတွေအားလုံး လာရာလမ်းကို သက်ပြင်းချချပြီး မတိုင်ပင်ထားပဲ အခါခါ ငေးမောမိတယ်။ တယောက်ရင်ထဲ တယောက်နားလည်ရင်း အသက်မပါတဲ့ အပြုံးတုတွေ ဟန်ဆောင် ဆင်မြန်းထားကြတယ်။ အကိုဟာ ဒီနေ့အတွက် တန်ဖိုးအကြီးဆုံး မွေးနေ့လက်ဆောင် ဖြစ်မယ်ဆိုတာ အကို သိနိုင်ပါ့မလား... ။ အကိုလည်း ညီမလေးတို့ကို ဘယ်လောက်တောင် လွမ်းနေလိုက်မလဲ.... ။

ဒီအချိန်ဆို ဘုန်းကြီးဆွမ်းကပ်နေပြီ... ။ ဒီအချိန်ဆို ဧည့်သည်တွေများလို့ အလုပ်ရှုပ်နေပြီ... ။ ဒီအချိန်ဆို ကိတ်မုန့်ခွဲလို့ ညီမလေးတို့ လူစုံနေပြီလို့ အကို တွေးမိမှာပဲနော်။ ညီမလေးတို့ရော ပျော်နေမယ်လို့ ထင်လား ကိုကျော်.... ။

အကို့ အားရပါးရ ရယ်သံ ၊ ညီမတွေ ပြောသမျှ သဘောကျပြီး အေးချမ်းစွာ ပြုံးတတ်တဲ့ အကို့အပြုံးတွေကို မတွေ့ရတော့ ညီမလေးတို့အဖို့ ဘယ်လောက်တောင် ရင်နာရသလဲဆိုတာ... အကို့ဘေးနားရှိနေမယ့် လူကြီးတွေ သိမှ သိပါလေစ... ။ ကိုယ်ချင်းစာနိုင်ကြပါစေလို့ ဆုတောင်းမိပါတယ်လေ။

မောင်နှမတွေ ဆုံနိုင်တုန်း ပြည်ထောင်စုနေ့ကြရင် ကျိုက်ထီးရိုးဘုရားဖူး သွားရကောင်းမလားလို့ ညီမလေး တွေးနေတာ။ အသက်တွေ ကြီးလာလေလေ စုစည်းရ ခက်လာလေလေ ဖြစ်လာပြီ မဟုတ်လား။ အိမ်ထောင်တွေ မကျခင် လွတ်လွတ်လပ်လပ် မောင်နှမတွေချည်းပဲ စုပြီး ခရီးသွားချင်ခဲ့တာ.... အသီးသီး မဝေးကွာခင် ပျော်ရွှင်ချင်သေးတယ် အကိုရေ။

ဟူးးး...... ။ ညီမလေးရဲ့ အတွေးတွေကလည်း များလိုက်တာနော်။ စိတ်တွေလည်း မတည်ငြိမ်နိုင်သေးပါလား အကိုရယ်။ အာရုံတွေလည်း စုစည်းလို့ကို မရပါဘူး။ နောက်ဆုံးတော့ အားကိုးရာဟာ တခုတည်းသော အတုမရှိ မြတ်စွာဘုရားလေ။ မြတ်စွာဘုရားကို တိုင်တည်ရင်း အကို့အတွက် ဆုတွေ အထပ်ထပ်တောင်းနေမိတယ်။ သစ္စာတွေလည်း အကြိမ်ကြိမ် ဆိုနေမိတယ်။ ညီမလေး ပြုသမျှ ကုသိုလ်ကောင်းမှု အစုစုကိုလည်း အကို့ အတွက် မေတ္တာပို့ပါတယ် အကိုရယ်။ ချစ်စကို ရှည်စေ မုန်းစကို တိုစေပေါ့နော်။

ဘာလိုလိုနဲ့ အကိုနဲ့ ဝေးနေတာ ကိုးရက်တောင် ရှိပြီပေါ့။ ဒီလိုခွဲခွာခြင်းမျိုး နောင်ကို ဘယ်တော့မှ မဖြစ်ရပါစေနဲ့လို့ ဆုတောင်းပါတယ် အကိုရယ်။ ဘာပဲဖြစ်ဖြစ်ပေါ့ ... ညီမလေးတို့ ချစ်တဲ့ ကိုကျော် တယောက် စိတ်၏ချမ်းသာခြင်း ၊ ကိုယ်၏ချမ်းသာခြင်းနဲ့ ပြည့်စုံပြီး အမြန်ဆုံး အချုပ်အနှောင်မှ ကင်းလွတ်ပါစေ။ ရိုးသားဖြူစင်တဲ့ ကျမ အကို လူကောင်း သူကောင်းတွေနဲ့ တွေ့ပါစေလို့ ညီမလေး ဆုတောင်းရင်းနဲ့...... ။

လွမ်းလိုက်တာ ကိုကျော်ရယ်........ ။

Written by

Thinzzar

6.2.08

ကိုကြီးနေဘုန်းလတ်သို့ ….

ဘလော့ဂ်ဂါမောင်နှမတွေအကြား ချစ်ခင်ရင်းနှီးစွာ စနောက်ကြရင်း
"မြို့စားကြီးနေဘုန်းလတ်" လို့ နာမည်တွင်ခဲ့တဲ့သူ။ မနှစ်က ဒီလိုနေ့မှာပဲ
"လွတ်ကျခဲ့တဲ့မြို့တော်" ဘလော့ဂ်လေးကို သူကိုယ်တိုင် အသက်သွင်းခဲ့တယ်။
ဒီနေ့ တော့ တစ်နှစ်တင်းတင်း ပြည့်သွားပြီပေါ့။ မှတ်မှတ်ရရ သူ့ 
ဘလော့ဂ်မှာ ပထမဆုံးတင်လိုက်တဲ့ ပို့စ်နာမည်ကလည်း "လွတ်ကျခဲ့တဲ့မြို့တော်"
တဲ့။ လက်တွေ့ဘဝမှာ သူလွတ်ကျခဲ့တဲ့ စာရေးဆရာ၊ ဒါမှမဟုတ် အနုပညာသမားဆိုတဲ့
အမည်နာမတွေအတွက် သူ့ ဘလော့ဂ်ဟာ သစ္စာရှိတဲ့ လူယုံ၊ အစွမ်းထက်တဲ့ လက်နက်၊
အရိပ်ကောင်းတဲ့ ညောင်သစ်ပင်လို အသုံးတော်ခံခဲ့တယ်။ ရက်ပေါင်း ၃၆၅
ရက်အတွင်းမှာ သူ့ မြို့တော်က စာကောင်းစာသန့် ၁၂၂ ပုဒ်
မွေးထုတ်ပေးခဲ့ပြီးပြီ။ ဒီစာတွေကြောင့် ဖတ်သူတွေအတွက် သုတပန်းတွေ
လန်းလာခဲ့တယ် ၊ ရသလမ်းတွေ ဆန်းလာခဲ့တယ် ၊ ပညာမီးတွေ လင်းပလာခဲ့တယ် ။
သူကတော့ သတိထားမိချင်မှ ထားမိလိမ့်မယ်။

ဘလော့ဂ်ဂါတွေ အတွက် ပထမဆုံးဆိုတဲ့ စကားလုံးတော်တော်များများမှာ သူနဲ့
လွတ်ကျခဲ့တဲ့မြို့တော်လည်း ရင်းနှီးကျွမ်းဝင်ခဲ့တယ်။
ဘလော့ဂ်ပို့စ်တွေကို ပထမဆုံး ပုံနှိပ်မယ့်စာအုပ်အတွက် တက်တက်ကြွကြွနဲ့ သူ
အစွမ်းကုန်ကြိုးစားခဲ့တယ်။ စာအုပ်ကိစ္စ ဆွေးနွေးပွဲတိုင်းကို
မပျက်မကွက်တက်ရောက်ခဲ့သူဟာလည်း သူ တစ်ဦးတည်း ရှိခဲ့တယ်။ နောက်ပြီး
ရန်ကုန်မှာ ပထမဆုံးကျင်းပခဲ့တဲ့ Blog Day Seminar အတွက်လည်း သူ
ပါဝင်ခဲ့တယ်။ MRTV4 နဲ့ အခြားသော မီဒီယာတွေအကြားမှာ ဘလော့ဂ်လောက
အကြောင်းကို သူချပြရဲခဲ့တယ်။ ဝေဖန်မှုတွေကို လက်ခံခဲ့တယ်။ မေးခွန်းတွေကို
အပြုံးနဲ့ ဖြေကြားပေးနိုင်ခဲ့တယ်။

မြန်မာဘလော့ဂ်ဂါရပ်ဝန်းမှာ ဓလေ့ထုံးတမ်းတစ်ခုရှိတာက ဘလော့ဂ်တစ်ခု
ဒါမှမဟုတ် ဘလော့ဂ်ဂါတစ်ယောက်ရဲ့ အထိမ်းအမှတ်နေ့တွေမှာ အထူးရေးသားတဲ့
ပို့စ်တွေ တင်တတ်ကြတယ်၊ သူငယ်ချင်းတွေက လာနှုတ်ဆက်ကြတယ်၊ Comment တွေ
ချီးမြှင့်ကြတယ်။

ဒီနေ့ သူ့ ရင်နဲ့ တည်ထားတဲ့ မြို့တော်ကြီး တစ်နှစ်ပြည့်တယ်။
ခုလိုအချိန်မှာ သူသာ လွတ်လွတ်လပ်လပ်ရေးသားခွင့်ရမယ်ဆိုရင်
သူ့ဘလော့ဂ်အတွက် အထိမ်းအမှတ်ပို့စ်တင်မယ့် အစီအစဉ်ရှိမယ်ဆိုတာ အသေအချာပဲ။
ဒါပေမယ့် သူ … ဘယ်မှာလဲ ။ သူရေးမယ့် ပို့စ်မှာ Comment ရေးဖို့
ဘလောဂါ့ရပ်ဝန်းက သူငယ်ချင်းတွေ သူ့ရဲ့ စာဖတ်ပရိသတ်တွေ မျှော်လင့်တကြီး
စောင့်နေကြတယ်။ " မြို့စားကြီး " လို့ စနောက်ကြဖို့ စောင့်နေကြတယ် …
ဇန်နဝါရီ ၂၉ ကတည်းက ခြောက်သွေ့နေခဲ့ရတဲ့ သူ့ မြို့တော်မှာ အပြုံးတွေနဲ့
ဖုံးလွှမ်းနေစေချင်တာ … ရယ်သံတွေနဲ့ စည်ညံနေစေချင်တာ … ဒါတွေအတွက်
အားလုံးက စောင့်မျှော်နေဆဲပါ ..။

ဘလော့ဂ်ဂါတွေကို ချစ်ကြည်စေချင်တဲ့ သူ့အတွက်၊ လူငယ်တွေကို
ကောင်းစေချင်တဲ့ သူ့ အတွက်၊ တိုင်းပြည်ကို တကယ်ချစ်တဲ့ သူ့ အတွက်
ဘေးဒုက္ခဆိုတာ မြူတစ်မှုန်စာတောင် ကျရောက်မလာစေဖို့ ဘလောဂါ့ရပ်ဝန်းမှ
ညီအကိုမောင်နှမအားလုံးက ဒီအမှတ်တရ ပို့စ်လေးနဲ့ ဆုတောင်းလိုက်ပါတယ်။

အမှား နှင့် အမှန်

အမှန်တရားတဲ့လား …???

ဘယ်နားမှာလဲ…???

ဘာကိုခေါ်တာလဲ…???

ဟိုမှောင်မိုက်နေတဲ့ လေးဘက်လေးတန်

အခန်းကျဉ်းလေးလား…???

လွတ်လပ်စွာ ပျံသန်းဖို့ အားယူနေတဲ့

အတောင်ပံတွေ ရိုက်ချိုးခံရခြင်းလား...???

ဘယ်သူမှ တွေးမကြည့်ဝံ့တဲ့

သံမန်တလင်း ကြမ်းပြင်ပေါ်က အိပ်မက်ဆိုးတခုလား...???

ခင်းကျင်းပြသပိုင်ခွင့်တောင် မရှိတော့တဲ့

စိတ်ကူးနဲ့ ရည်မှန်းချက်တွေကို ဆင်ဆာဖြတ်ခံရခြင်းလား...???

ဒါတွေကသာ

အမှန်တရားလို့ ကုန်းအော်နေတဲ့ လူတစုအတွက်ဆိုရင်

ငါတို့ မြင့်မြတ်စွာ ဆက်မှားကြဦးစို့။

(ခေတ္တ အမှားဖြစ်နေသော အမှန်တရားကိုမှ မြတ်နိုးတဲ့ ကျမရဲ့ အကိုအတွက်)

ချစ်တယ်။

ဆုတောင်းတိုင်းသာ ပြည့်မယ်ဆိုရင်

ချစ်သူရဲ့ ရင်ထဲက ခံစားချက်တွေကို

စာရွက်ပေါ်ရေးချတဲ့ အခါ

ကြားခံအဖြစ်သုံးတဲ့ လက်ဖ၀ါးနုနုကို

ဆုပ်ကိုင်ပြီး တူတူလမ်းလျှောက်ထွက်ချင်တယ်။

လိုချင်တာတခုရဖို့ ကျန်တဲ့အရာတခုစွန့်လွှတ်မှတဲ့လား...

ဒါဆို....

ချစ်သူရဲ့ အသံကို အမြဲကြားရဖို့

ငါသိပ်ကြိုက်တဲ့

ဆူဆူညံညံ ရော့ခ်သီချင်းတွေနဲ့ မှစတေးရမယ်ဆိုလည်း

ဒီတသက် ငါ့ ကမ္ဘာမှာ သီချင်းတွေ မရှိလည်းဖြစ်တယ်။

ဖြစ်နိုင်ရင်

ချစ်သူကိုဘေးနားထား

အပေါစားကော်ဖီခပ်ခါးခါးတခွက်

အရသာခံ သောက်ကြည့်ချင်တယ်...

မင်းဘေးနားရှိနေမှတော့

အပေါစားကော်ဖီလည်း

အစွမ်းကုန်ကို ချိုမြိန်နေမှာသေချာတယ်။

မသေခင်ဒီဘ၀မှာ

ချစ်သူ့ လက်ဖ၀ါးနုနုကို ဆုပ်ကိုင်

အလွတ်ရပြီးသားရော့ခ်သီချင်းတစ်ပုဒ် ငြီးဆိုရင်း

အပေါစားကော်ဖီတခွက်တော့

အရသာခံသောက်ကြည့်ချင်သေးတယ်။

အလွမ်းခါးခါး

ချိုမြိန်ခြင်းနဲ့ အတိပြီးတဲ့
အချစ်ကတစ်ဖက်…
အလွမ်းခါးခါးတွေ နှိပ်စက်လို့
နာကျင်တဲ့ ခံစားချက်ကတစ်ဖက်နဲ့

မင်းရောက်လာမယ့် အချိန်
တစက္ကန့်ချင်းရေတွက်
ဝင်သက်ထွက်သက်နဲ့ အမျှ
လွမ်းတယ် ချစ်သူ။

နာကျင်မှု အဖူးအပွင့်

နာကျင်မှုတွေနဲ့
ဝေဆာပါစေလို့ရယ်တော့
မျှော်လင့်ပြီး စိုက်ပျိုးခဲ့တာ
မဟုတ်ဘူးလေ …. ။

မရည်ရွယ်ထားပေမဲ့လည်း
ဥပက္ခာနဲ့ ဝေဒနာတွေဟာ
သူ့အလိုလို
ဖူးပွင့်တတ်မှန်း
ငါမှ ကြိုသတိမထားမိခဲ့တာ … ။

ငါ ပျိုးကြဲခဲ့တဲ့
ဝေဒနာတွေပါပဲ…
မလိုချင်ရင်တော့
အချိန်မရွေး
ရှင်းလင်းပစ်လို့ ရတယ် … ချစ်သူ။

ဒါပေမဲ့
မင်းနဲ့ ပတ်သတ်သမျှ
ဒီနာကျင်မှုပဲ
ပိုင်ဆိုင်ရမှာ သေချာနေတော့ ……. ။

အစွမ်းကုန်ကို ဖူးပွင့်လိုက်စမ်း
နာကျင်ကြေကွဲမှုရေ…..
ငါ့ရင်ကိုအကွဲခံပြီုး သိမ်းဆည်းထားချင်လို့ …. ။


ရက်အတော်ကြာအောင်ကို ကျမ တာဝန်ဝတ္တရားတွေ ပျက်ကွက်ခဲ့ပါတယ်။ ဘယ်သူ့ဆီမှ မလည်ဖြစ်သလို ကျမဆီ လာလည်ကျသူများကိုလည်း ဧည့်ဝတ်မကျေခဲ့ပြန်ပါဘူး။ အားလုံးကို တောင်းပန်ပါတယ်နော်။ ဘယ်လောက်ထိများလည်းဆိုရင် ၂၈ရက်နေ့မှာ ကျမအဖေဆုံးတာ ၇နှစ်ပြည့် နှစ်ပတ်လည်မှာတောင် ပို့စ်တပုဒ် မတင်နိုင်ခဲ့ဘူး။ ခုတော့ ရေးထားတာ အတော်ကြာနေပြီ ဖြစ်တဲ့ ကျမရဲ့ ကဗျာလေးနဲ့ ပြန်လည်မိတ်ဆက်ပါတယ်နော်။ လာလည်သူများ အားလုံး ကျေးဇူးပါ။ နှစ်သစ်မှ စလို့ မျှော်လင့်ရည်မှန်းသမျှ ကိစ္စ အားလုံး အဆင်ပြေချောမွေ့ကြပါစေ ဆုတောင်းရင်း..... ။

ခံစားချက် သက်သက်

ခြေသံကို ခပ်ဖွဖွနင်းရင်း သူမတယောက်တည်း တိတ်တဆိတ် လျှောက်လှမ်းလာ၏။ အခန်းရှေ့ရောက်နေပါလျက်နဲ့ သော့မဖွင့်ပဲ ထိတ်လန့်ကြောက်ရွံ့ခြင်းကြောင့် သူမ တွေဝေနေမိပြန်သည်။ ဖွင့်ဝင်သွားလိုက်ပြန်လျှင်လည်း သူမ အကြောက်ဆုံး အမှောင်ထုနှင့်ပဲ ရင်ဆိုင်တွေ့ရဦးမည်။ အတွေးတွေ ယောက်ယက်ခတ်လျက်… သော့ကို လေးပင်စွာ ဖွင့်လိုက်၏။

` ချောက် ´

တံခါးက အလိုက်သင့်ပွင့်သွားပြီး ဆီခမ်းနေသည့် ပတ္တာသံက ကျွီခနဲ ထွက်လာပြန်၏။ သူမ မုန်းတဲ့အထဲမှာ ဒီပျင်းရိပျင်းတွဲ တံခါးသံလည်း အပါအ၀င်ပင်။ ပြန်ပိတ်လိုက်တော့လည်း ဆွဲဆွဲငင်ငင် အော်မြည်ပြန်၏။

` ဟူးးး…. ´

သူမ သက်ပြင်းရှည်တချက်ချလိုက်မိသည်။ အထဲရောက်ပြန်တော့ ဘာမှ ထူးထူးခြားခြား ကြည့်စရာ မြင်ချင်စရာ မရှိမဲ့ အတူတူဆိုတဲ့ စိတ်နဲ့ မီးမဖွင့်တော့ပဲ အမှောင်ထဲ စမ်းတ၀ါးဝါး လှမ်းလျှောက်လာခဲ့လိုက်သည်။ သူမ မျှော်လင့်ခဲ့ဖူးပြီး ခုထိလည်း မျှော်လင့်ဆဲဖြစ်တဲ့ အိမ်အပြန်မှာ စောင့်ကြိုနေမယ့်သူဆိုတာ……. ။ ဆက်မတွေးချင်တော့….. ။

စမ်းတ၀ါးဝါးလျှောက်ရင်း သူမအခန်းထဲရောက်မှ မီးခလုတ်ကို စမ်းပြီးဖွင့်လိုက်တော့သည်။ ကုတင်ပေါ်ကို ခြေပစ်လက်ပစ်လှဲချလိုက်တော့ တနေ့လုံး ပင်ပန်းခဲ့သမျှ နည်းနည်း သက်သာသွားသလိုတော့ ထင်ရ၏။ အခုလို သူမ ပင်ပင်ပန်းပန်း ပြန်လာရချိန်မျိုးမှာ အမြဲ ၀င်ချွဲလေ့ရှိခဲ့ဖူးတဲ့ မေမေ့ရင်ခွင်ကိုလွမ်းသည်။ အို… ဒါတွေလည်း ပြန်မတွေးချင်တော့။ လက်ရှိဘ၀မှာတော့ သူမ တယောက်တည်း အထီးကျန်နေခြင်းသာ အမှန်တရား ဖြစ်၏။ ရေချိုးလိုက်ရင် ငြီးငြူနေတဲ့ စိတ်တွေ သက်သာကောင်းရဲ့ ဆိုတဲ့အတွေးနဲ့ Bath-tub ကို ရေပူ ရေအေးမျှအောင် ဖြည့်ထားလိုက်သည်။ ရေမပြည့်ခင် ဘာမှ လုပ်ချင်စိတ်မရှိတာကြောင့် ကုတင်ပေါ်ပြန်လှဲနေမိ၏။

လူတိုင်း လူတိုင်းဟာ တနေ့တာလုံး ဘယ်လိုပဲ မဟုတ်မမှန်တာတွေ လုပ်ခဲ့လုပ်ခဲ့ ညအိပ်ရာဝင်ခါနီး စိတ်ငြိမ်နေတတ်ချိန်ကျ ကိုယ်လုပ်ခဲ့သမျှတွေကို တခါလောက်တော့ ပြန်တွေးရင်း ခြောက်ခြားတတ်ကြတယ်တဲ့။ ဒီခံစားချက်မျိုး သူမကောင်းကောင်းသိတာပေါ့။ ဒီနေ့ သူမ ဟန်ဆောင်ခဲ့ရတာတွေကို စိတ်ရောက်သွားပြန်၏။ အို.. သွားကြစမ်း… ။ ဒီအတွေးတွေ… ။ မလာကြနဲ့။ ဒါ ငါ့ရဲ့ အသက်မွေးဝမ်းကျောင်းပဲ။ ကိုယ့်စိတ်ခံစားမှု မဟုတ်ပဲ ဟန်ဆောင်နေရတာ ငါ့ဘ၀ပဲဟာ။ စိတ်တွေ ဂယောက်ဂယက်နဲ့ ဘာကို ဘ၀င် မကျဖြစ်နေမှန်း ကိုယ့်ကိုယ်ကိုယ်တောင် နားမလည်တော့။ သတိတချက် ပြန်ဝင်လာလိုက်တော့ Bath-tub ထဲက ရေတွေ ပြည့်ပြီး အောက်ကို လျှံကျနေ၏။

ရေတွေ လျှံကျရလောက်အောင် အတွေးလွန်နေရကောင်းလားလို့ ဆူပူ အပစ်တင်မယ့်သူလည်းမရှိ။ ဆူပူ အပစ်တင်ခံရဖို့ ကံ ကုန်သွားပြီလားလို့ တွေးရင်း တစ်ကိုယ်တည်း သဘောကျမိပြန်၏။ ဟုတ်တယ်။ သူမရဲ့ စိတ်တိုစရာ၊ သဘောကျစရာနဲ့ ပျော်ရွှင်စရာ ကိစ္စတစ်ချို့မှာ မျှဝေခံစားပေးဖို့ လူတစ်ယောက် မရှိခဲ့တာ ကြာလှပေါ့။ ရေဘုံဘိုင်တွေ ပြန်ပိတ်ပြီး ရေထဲ အသာဝင်စိမ်နေလိုက်တော့သည်။ မျက်စိကို အသာမှိတ်လိုက်မိတော့ သူ့မျက်နှာကို သွားမြင်ယောင်မိ၏။ နှင်းတွေ တဖွဲဖွဲကျနေတဲ့ မနက်ခင်း တခုမှာ သူနဲ့ သူမ အတူတူ လက်တွဲလျှောက်ရင်း သူမတို့နှစ်ယောက်ရဲ့ ရှေ့ရေးတွေ တိုင်ပင်ခဲ့ကြဖူးသည်။ ဒီမျှော်လင့်ချက်တွေဟာ နောက်ဆုံးတော့လည်း နှင်းငွေ့တွေ နေရောင်အောက်မှာ ပျောက်ကွယ်သွားတတ် သလိုပဲေ၀၀ါးသွားကြပြန်သည်။ မှိတ်ထားတဲ့ မျက်စိထောင့်စွန်းမှ မျက်ရည်ကြည်တို့ တလိမ့်လိမ့်ကျပြီး ရေနဲ့ရောသွား၏။ မျက်ရည်ကျစေနိုင်လောက်တဲ့ ခံစားချက်မှာတော့ ရေတပေါက်တောင် မရောနှောပဲ အမှန်တကယ်ကို ခါးသီးနာကျင်လွန်းသည်။ လိမ်ညာပြီး ငိုယိုဖူးခဲ့တာ အကြိမ်ပေါင်းမနည်းပေမဲ့ ခံစားချက်ပါ ရောပါနေတော့ ရင်ဘတ်ထဲက ခပ်အောင့်အောင့်။

မျက်နှာမပေါ်နိုင်တော့သည် အထိ ရေထဲမှာ လှဲချလိုက်သည်။ ဒီလိုမျိုး ရေအောက်မှာ အသက်ရှူရပ်ကာ သူမကိုယ်သူမ အဆုံးသတ်လိုက်ဖို့ တွေးဖူးတာ မရေမတွက်နိုင်တော့။ ခုလည်း ဘာမှန်းမသိတဲ့ တွန်းအားတခုကြောင့် သူမ ပြန်ထလိုက်တော့၏။ အချိန်တွေ အတော်ကြာသွားပုံ ရ၏။ ခပ်နွေးနွေးရေက အေးစက်နေကြလေပြီ။

ရေစိုနေတဲ့ ဆံပင်ခွေခွေတွေကို ဆက်မသုတ်တော့ပဲ ကုတင်ပေါ်လှဲချလိုက်သည်။ ဒါ သူမရဲ့ အကျင့်လိုတောင် ဖြစ်နေပြီလေ။ ဂရုဏာဒေါသောနဲ့ သူမ ဆံနွယ်တွေ တယုတယ သုတ်ပေးမယ့်သူလည်း မရှိ။

` ဟား … ဟား … ဟား … ´

ခန္ဓာကိုယ် တသိမ့်သိမ့်ဖြစ်သွားသည်အထိ ရီမောလိုက်၏။ ရီသံတွေမှာ အသက်ပါလား မပါလား ဝေဖန်ပိုင်းခြားမယ့်သူ အလျှင်းမရှိ။ နံရံလေးဖက်ပတ်လည် အခန်းထဲမှာ ရှာကြည့်လိုက်ရင် သွေးပျက်စရာကောင်းလောက်အောင် တိတ်ဆိတ်နေတတ်တာ အထူးအဆန်း မဟုတ်တော့။ နည်းနည်းကြာလာတာနဲ့ ဒီအတွေးက ၀င်လာပြန်၏။ ဒါ သူမ အမြဲတွေးဖြစ်နေကြ။ သူ့ကြောင့်လည်း ကိုယ့်ဘ၀ကိုယ် အဆုံးသတ်ဖို့ ခဏခဏ ကြံစည်ခဲ့ဖူးတာ။ တကယ်တော့ … တကယ်တော့… သူမဟာ လူတွေ အားလုံးကို လိမ်ညာလှည့်ဖျားပြီး အသက်ရှင်နေရတာ။ တကယ်မဟုတ်တာတွေကို လိမ်ညာပြောဆိုရင်း လျှောက်လှမ်းနေခဲ့တာ။ ရင်ထဲမှာ ပျော်ရွှင်နေပေမဲ့ လိမ်ညာ ဟန်ဆောင်သူတို့ ထုံးစံအတိုင်း သူမ ငိုခဲ့ဖူးသည်။ ပလီပလာလည်း ပြောဖူး၏။ အိုး… ဒါတွေ မကြိုက်ပေမဲ့ ချစ်သူကိုတောင် အဆုံးရှုံးခံပြီး ဒီလမ်းကို ဆက်လျှောက်ခဲ့ပြီးမှ သူမ နောင်တမရချင်တော့။

ဒီအတိုင်းကြီးတော့ လက်မလျှော့လိုက်ချင်။ သူမ အတွက် ထွက်ပေါက်က ဒီတလမ်းပဲ ရှိတယ်လို့ ကိုယ့်ကိုယ်ကို ယုံကြည်နေမိသည်။ ကုတင်ခေါင်းရင်းက ခုံပေါ်တင်ထားတဲ့ ဆေးဗူးအဖြူရောင်လေးဆီ မျက်စိကရောက်သွား၏။ ချက်ချင်းဆိုသလို လက်တွေ ကတုန်ကယင်နဲ့ လှမ်းယူလိုက်မိတော့သည်။

` ဒါ မဖြစ်သင့်ဘူး။ ငါ မလုပ်သင့်ဘူး။ ´

စိတ်ကို နိုင်အောင် အကြိမ်ကြိမ် ထိန်းနေပေမဲ့ အခုန်မြန်လွန်းနေတဲ့ ရင်ဘတ်ထဲက နှလုံးသားက လည်ပင်းကနေပဲ ခုန်ထွက်လာတော့မလို။ ဇောချွေးတွေ ပြန်ရင်း စိတ်အလိုမကျမှု၊ အားငယ် သိမ်ငယ်မှု၊ အထီးကျန်မှုအပြင် နောင်တရတာလား၊ ဂုဏ်ယူမိခဲ့တာလား မခွဲခြားနိုင်တော့တဲ့ ရှုပ်ထွေးခြင်းများနဲ့ ……. ။

` …………………………… ´

ဘယ်နှစ်လုံးမှန်း မသိတဲ့ အရေအတွက် တချို့ပါးစပ်ထဲ ပစ်သွင်းရင်း ရေကို တရှိန်ထိုးမော့ချလိုက်သည်။ ခပ်လျော့လျော့ ပြန်လှဲလိုက်ပြီး မျက်စိတို့ အသာမှိတ်ထားလိုက်သည်။ ပတ်ဝန်းကျင်က လေထုက ရုတ်တရက် အအေးဓါတ်ပိုလာသလို ခံစားလိုက်ရ၏။ ဒါမှမဟုတ် ရင်ထဲက ခံစားချက်တွေပဲ အေးစက်ခြောက်သွေ့လာတာလား။ ဝေခွဲလို့ မဆုံး နိုင် သေး ခင် မှာ ……….. ။

*** *** ***

နောက်တနေ့မနက်စောစောထွက်သည့် ဂျာနယ်တစ်စောင်၌ လူတိုင်း စိတ်ဝင်တစား ဖတ်ပြီး မယုံနိုင်ကြသည့် သတင်းတစ်ပုဒ်ကြောင့် ဂယက်ရိုက်သွား၏။ မျက်နှာဖုံးမှာ စာလုံးအမဲကြီးနှင့်။

နိုင်ငံကျော် ရုပ်ရှင်မင်းသမီး …….. ရုတ်တရက် သေဆုံးသွားခြင်း။

မင်းသမီး …. သည် မနက်စောစော ရှူတင်သို့ အချိန်မီရောက်မလာ၍ ဆက်သွယ်ကြည့်ကြရာ နေအိမ်၌ သေဆုံးနေကြောင်း သိရှိခဲ့ရသည်။ မိမိကိုယ်ကိုယ် သတ်သေခြင်းလား၊ ဆေးစားမှားခြင်းလား ဆိုတာကိုတော့ အတိအကျ မသိရှိရသေးကြောင်း၊ မင်းသမီး၏ ပုဂ္ဂလိက ဆရာဝန် ပြောကြားချက်မှာမူ မင်းသမီး၌ စိတ်ကျရောဂါစွဲကပ်နေပြီး ဆေးကုသမှု ခံယူနေရင်းမှ ခုလိုဖြစ်သွားရတာ အင်မတန်မှ ၀မ်းနည်းစရာကောင်းကြောင်း ပြောကြားသွားပါသည်။

happy birthday ...

ကျေးဇူး မေမေ

အရမ်း ချမ်းနေတဲ့

ဒီဇင်ဘာလရဲ့ အရုဏ်တက်မှာ

အသက်နဲ့ရင်း ကြင်နာခြင်းစခဲ့တဲ့

မေမေရေ…

ကျေးဇူးပါနော်။

ဖြတ်သန်းခဲ့ နှစ်ပေါင်း နှစ်ဆယ်ကျော်

လိုချင်တာ ရလို့ ပျော်ခဲ့ဖူးတာထက်

ကံကြမ္မာ အချိုးအကွေ့ ခပ်ကြမ်းကြမ်းကြောင့်

ငိုခဲ့ရတာတွေ ပိုပြီး အမှတ်ရနေတယ် မေမေ…. ။

ဒါပေမဲ့လေ

မေမေပေးတဲ့ မေတ္တာနဲ့ သတ္တိတွေထမ်းပိုး

သမီးဆက်လျှောက်နိုင်အောင် ကြိုးစားမယ်

အနားကတော့ လမ်းပြလှည့်ပါဦး မေမေ။

ဆိုးခဲ့ မိုက်ခဲ့တာတွေ

အပြစ်မမြင်

ဆုံးမပဲ့ပြင်လို့ အကြွင်းမဲ့ ပေးဆပ်တဲ့ မေမေရေ..

မေမေ နားခိုဖို့

သစ်ပင်တပင် မဖြစ်နိုင်သေးရင်တောင်မှ

ဆူးညှောင့် ခလုတ်တော့ မဖြစ်စေရဘူးနော်။

ကျမ ဒီ အသက်အရွယ်ထိ ရောက်အောင် ကျွေးမွေး ပြုစု စောင့်ရှောက်ခဲ့တဲ့ မေမေ့ ကို မွေးနေ့မှာ ကဗျာလေးနဲ့ ဦးညွှတ်ရင်း… ။

ခု၇ရက်နေ့မှာ ရောက်ရှိမယ့် မွေးနေ့က ကျမ အသက် ၂၃ နှစ်မြောက် မွေးနေ့လေးပါ။ လာလည်ကြတဲ့သူ အားလုံး အားလုံး ကို ကျေးဇူးပါနော်။ ကဲ… ခု မုန့်ကျွေးမယ့် အစီအစဉ်လေး စရအောင်... ကျမက အစပ်ကြိုက်တော့ ယိုးဒယား အစားအစာ စပ်စပ်လေးတွေနဲ့ ဧည့်ခံလိုက်မယ်နော်။ စားပြီးလို့ အရမ်းစပ်နေလည်း ဘာမှ မပူနဲ့နော်။

ဟီးဟီး.. နောက်ဆုံး အချိုပွဲ မစားခင် စားသွားဦးနော်။ ခင်ရင် အကုန်စား။ မခင်ရင်လည်း တတောင့်တော့စား။
ကိတ်မုန့် နဲ့ coffee latte ရှိသေးတယ် ။ ကော်ဖီမကြိုက်သူတွေ အတွက်ကတော့ ရေခဲမုန့် နဲ့ အသီးဖျော်ရည် လည်း ပါတယ်နော်။ နည်းနေသေးရင် တောင်းပန်ပါတယ်။ ကော်နက်ရှင်အစုတ်ပလုတ်ကို အံတုပြီး အမြန်တင်ထားရတာ မို့လို့ လိုအပ်တာရှိရင် ခွင့်လွှတ်ပါလို့…. ။

ပျော်ရွှုင်ပါစေ

စမ်းသပ်နေပါသည် တစ်၊ နှစ်၊သုံး (၅)

`ဂွီ… ဂေါ်´

`မင်္ဂလာပါရှင်… LA ခေါ် လပွတ္တာအလယ်ပိုင်း အခြေစိုက် ဟီးဟီးဟားဟား အသံလွှင့်ဌာနမှ အသံလွှင့်ဖို့ အချိန်ကျရောက်လို့ လာပြန်ပါပြီ။ အခု တင်ဆက်ပေးမဲ့ အစီအစဉ်လေးကတော့ ရွှီးမယ် ဖောမယ် အွန်လိုင်းဝယ် ဆိုတဲ့ ကဏ္ဍလေးပဲ ဖြစ်ပါတယ်။ ဒီအစီအစဉ်လေးမှာ ပရိသတ်ချစ်တဲ့ အနုပညာရှင်များကို ဟီးဟီးဟားဟားသို့ အလှည့်ကျ ဖိတ်ကြားသွားမှာပါ။ နားသောတဆင်သူများထဲမှ ၀ါသနာပါသူများက ဟီးဟီးဟားဟားထံ ဖုန်းနဲ့ ဆက်သွယ်ပြီး ပြည်သူချစ်တဲ့ အနုပညာရှင်များနဲ့ တိုက်ရိုက်စကားပြောနိုင်မှာ ဖြစ်ပါတယ်။ ဒီတပတ် ပရိသတ်နဲ့ တိုက်ရိုက်စကားပြောဖို့ အလှည့်ကျတာကတော့ တက်သစ်စ မင်းသမီးလေး နန်းပုဘ၀င်အိုး ပဲဖြစ်ပါတယ်။ ဒီအစီအစဉ်ကို တင်ဆက်သူ အဖြစ် ကျမ မသိပ်သိပ်ချစ်က ဆောင်ရွက်မှာဖြစ်ပါတယ်။ တိုက်ရိုက်အသံလွှင့်မှာ ဖြစ်တဲ့ အတွက် စကားပြောရာမှာ အထူးသတိထားရမှာ ဖြစ်ပြီး ၃ မိနစ်ပြည့်လို့မှ လေကြောမပြတ်သေးရင် ကျမ သိပ်သိပ်ချစ်က ဖုန်းလိုင်းကို ဖြတ်ပစ်လိုက်မှာ ဖြစ်ပါတယ်ရှင်… မင်္ဂလာပါ ညီမငယ် နန်းပုဘ၀င်အိုး ရေ´

`ဟုတ်ကဲ့ မင်္ဂလာပါ မမ ရေ´

` ညီမ အဆင်သင့် ဖြစ်ပြီဆို ဖုန်းစ လက်ခံလိုက်ရအောင်နော် ´

` ဟုတ် မမ ´

`မသိပ်သိပ်ချစ်ရေ ဖုန်းလာနေတယ်… မမ သိပ်သိပ်သိပ်ချစ်ရေ ဖုန်းလာနေတယ်နော်… မ မမ မမမ သိပ် သိပ်သ်ိပ် သိပ်သိပ်ချစ်ရေ ဖုန်းလာနေပါတယ်ဆို´

` ညီမငယ် နန်းပု ရေ… ဖုန်းကိုင်လိုက်လေကွယ်။ အဲ့ဒါ မမဖုန်းရဲ့ own tune ဖုန်းမြည်သံ ကွယ့် ´

` အော် ဟုတ်ဟုတ်… ဟဲ့..လို ´

` ဟို.. လေ.. မနန်းပုဘ၀င်အိုး လားဟင် ´

` အော် ဟုတ်ပါတယ် နန်းပု ပြောနေပါတယ်နော်။ ပြောပါ ´

` ကျနော်က ဟိုဥစ္စာလေ… ´

` ရှင် ဘယ်ဥစ္စာလဲ ´

` ကျနော်က ပထမဆုံး မဟုတ်လားဟင်… ၀မ်းသာလိုက်တာဗျာ… ခုလို ဖုန်းဆက်လို့ ရဘို့ ကျနော် အတော့် ကို ကြိုးစားလိုက်ရတာ ´

` ဟုတ်ကဲ့… နန်းပုလည်း အရမ်းဝမ်းသာပါတယ်… နန်းပုနဲ့ ပြောချင်လွန်းလို့ အရမ်း ကြိုးစားခဲ့ရတာပေါ့ ဟုတ်လား.. ဘာပြောချင်လဲ ပြောလေ ´

` အမရဲ့ ဟို ဥစ္စာလေ… ကျနော့ ကို ပို့ပေးပါလား… ဓါတ်ပုံလေ ´

` အော်… ရပါတယ်.. ပို့ပေးရမှာပေါ့… တောင်းထားတဲ့ လူတွေက အရမ်းများတော့ မှတ်ထားရမှာမို့ လိပ်စာလေး ပြောဦးလေ ´

` ကျနော့ ဟိုဥစ္စာက.. ဟိုလေ… အမှတ် (၀၀၁)၊ ဟိုလမ်း၊ ဒီရပ်ကွက်၊ ဟိုဒီမြို့နယ်ပါ ခင်ဗျာ ´

` မှတ်ထားလိုက်ပြီနော်… ပို့ပေးလိုက်မယ် စိတ်ချ ´

` ကျနော်.. ဟိုဟာလေ…. ´

` ဂလောက် ´

` သုံးမိနစ်ပြည့်နေပြီမို့ အမ ဖုန်းလိုင်းဖြတ်ပစ်လိုက်တာပါ ညီမငယ်ရေ ´

` အော် အဟင်း ဟုတ်ကဲ့ ´

` မသိပ်သိပ်ချစ်ရေ ဖုန်းလာနေတယ်… မမ သိပ်သိပ်သိပ်ချစ်ရေ ဖုန်းလာနေတယ်နော်… ´

` ဟဲ့.. လို ´

` ကျနော်က နံပါတ် ဘယ်လောက်လဲဟင် ´

` အဟင်း နံပါတ် ၁၄၆ ယောက်မြောက်ပါ အဟိ ´

` ဗျာ အဲ့ဒီ့လောက်တောင် ကြာပြီလား ဖုန်းထိုင်ပြောနေတာ ´

` အော်… အဟင်း ဆောဒီးနော်… နန်းပုကို ချစ်ခွင့်တောင်းထားတဲ့ လူ ဘယ်နှစ်ယောက်ရှိပြီလဲ မေးတာနဲ့ မှားချင်ယောင်ဆောင်ပြီး ကြွားလိုက်တာ… အရမ်းများ သိသာသွားလား မသိဘူး အဟင်း ´

` ဟာ နန်းပုက အရမ်း လူချစ်လူခင်ပေါတာပဲဗျာ… ´

` အင်း ဟုတ်တယ်… အဲသလိုပဲ ပြောကြတာပါပဲ ´

` ဒါနဲ့လေ ဟိုတခါ စိန်ထောပတ်ပို့လိုက်တဲ့ သူနဲ့ရော အပြင်မှာ တွေ့ပြီးပြီလား ခင်ဗျ ´

` အို… ဘာတွေလာပြောနေတာလဲလို့… ဒီက ခေးပဲ ရှိသေးတာကို.. မေမေသိရင်တော့ ဆူတော့မှာပဲ… ဒါတွေ မစဉ်းစားသေးပါဘူးဆို ဒါပဲ လာလာမေးနေ.. ဟွန့် နောက်တခေါက်လောက်.. အဲလေ ´

` ဂလောက် ´

` ညီမ မေမေကြားရင် အစီအစဉ်တင်ဆက်တဲ့ မမသိပ်သိပ်ချစ်ကိုပါ ရောပြီးဆူမှာ ကြောက်လို့ ဖုန်းလိုင်းဖြတ်လိုက်ရပါတယ်နော် ´

` မသိပ်သိပ်ချစ်ရေ ဖုန်းလာနေတယ်… မမ သိပ်သိပ်သိပ်ချစ်ရေ ဖုန်းလာနေတယ်နော်… ´

` ဟဲ့.. လို ´

` နန်းပု အခုဘာလုပ်နေလဲဟင် ´

` နန်းပုလား… ဖုန်းပြောရင်း ခေါင်းယားလို့ လက်တဖက်နဲ့ ကုတ်နေတယ်ရှင့် ´

` အဲဒါပြောတာ မဟုတ်ဘူးလေ… ကျနော်ပြောတာက အနုပညာရေးရာ ခင်ဗျ ´

` အော်… နန်းပု အခု ဗွီဒီယိုဇာတ်ကား တကား ရိုက်နေတယ်လေ… မင်းသားက ကိုထွန်းထွန်း( ဥမပါ ) … အာ… မဟုတ်ပါဘူး… သူ့ကို နောက်နေကျမို့ အကျင့်ပါသွားလို့… ကိုထွန်းထွန်း( ဥပမာ ) ကိုပြောတာ… ဇာတ်လမ်းလေးကတော့ ရိုးရိုး ဟဲဗီး ဖန်စီလေးပါပဲ ´

` အော် ဟုတ်.. ဒါပဲနော်.. နောက်မှာ ဖုန်းဆက်မယ့် သူတွေ စောင့်နေ…. ´

` ရပါတယ်… သုံးမိနစ်မှ မပြည့်သေးတာပဲ.. ဟာပဲ ´

` မဟုတ်ဘူးလေ… ကျနော့် နောက်က ဖုန်းဆက်ဖို့ တန်းစီနေတဲ့ သူတွေ အားနာလို့ ခင်ဗျ… ဒါပဲနော် ´

` ဂလောက် ´

` မသိပ်သိပ်ချစ်ရေ ဖုန်းလာနေတယ်… မမ သိပ်သိပ်သိပ်ချစ်ရေ ဖုန်းလာနေတယ်နော်… ´

` ဟဲ့.. လို ´

` နန်းပုလေးလားဟင်… ၀မ်းသာလိုက်တာ.. အန်တီကလေ နန်းပုကို အရမ်းကြိုက်တာ…. နန်းပု ဘာလေး ၀တ်ဝတ် လှတယ် သိလား… သရုပ်ဆောင်တာကလည်း အရမ်း ကောင်းတာပဲ… သီချင်းဆိုတာကလည်း ပြောမနေပါနဲ့တော့… ပညာရေးလည်းတော်လိုက်တာ… အိမ်မှာလည်း အရမ်း လိမ္မာတယ်ဆို… အမေ့ စကားလည်း အရမ်းနားထောင်တဲ့ သမီး လိမ္မာလေး ဆို ´

` ဟယ်.. နန်းပု အကြောင်းကို အရမ်း သိတာပဲနော် ´

` အော် သိတာပေါ့လို့.. ဒါနဲ့ သူများတွေကလေ နန်းပုကို ကြွားတယ် ကြွားတယ်နဲ့ ပြောတာ တကယ်တော့ ကိုယ်တွေက အဲလေ နန်းပုတို့က ကြွားနိုင်တဲ့ အခြေအနေမို့လို့လဲ ကြွားတာပေါ့… ဟုတ်တယ်မှတ်လား… အဲဒါ ကိုယ့်လို အဲလေ နန်းပုလို မကြွားနိုင်တဲ့ သူတွေ သက်သက်မဲ့ မနာလို ဖြစ်လို့ ပြောနေတာ သိလား ´

` ဟုတ် နန်းပု မေမေလည်း အဲ့လိုပဲ ပြောတယ် ´

` ဒါနဲ့ နန်းပု အမေကလည်း အရမ်းချောဆို… အပြင်က မြင်ဘူးတဲ့ သူတွေ ပြန်ပြောကြတာ ကြားဖူးတယ်.. တကယ်တော့ နန်းပုလေး အဲ့ဒီ့လောက်လှနေတာ မအေတူ သမီးလေးထင်တယ်နော် ´

` ဟုတ်… ဒါနဲ့လေ နာမည်လေးပြောပြပါဦး… နန်းပု ဒီအသံမျိုး ကြားဖူးသလားလို့ ´

` အော်… ဒါလားကွယ် အဟွန်းဟွန်း ´

` ဂလောက် ´

` တခု ကြိုပြောထားဖို့ မေ့သွားလို့ ဖုန်းလိုင်းဖြတ်လိုက်ရတာပါ… ညီမငယ်ရေ ဒီအစီအစဉ်ကလေ ကုန်ပစ္စည်းတွေမှာ ကံစမ်းမဲဖောက်တာလေးနဲ့ စည်းကမ်းချင်းသွားတိုက်ဆိုင်နေတယ်… ကံစမ်းမဲဖောက်တဲ့ ကုမ္ပဏီက ၀န်ထမ်းနဲ့ ဆွေမျိုးသားချင်းတွေကို ပါဝင်ခွင့်မပြုဆိုတာမျိုးလေးလေ… ဒါကြောင့် ဖုန်းလိုင်း ဖြတ်ပစ်လိုက်တာပါကွယ်.. ကျေးဇူးတင်ပါတယ် ညီမငယ်ရေ… ခုတော့ ပရိသတ်ကြီးဆီက ဖုန်းလက်ခံတဲ့ အစီအစဉ်ပြီးပြီမို့ ညီမလေး စိတ်ကြိုက် ပရိသတ်ကို နှုတ်ဆက်ပါဦးကွယ် ´

` ဟုတ်… နန်းပု အခုလို ပရိသတ်ကြီးနဲ့ တိုက်ရိုက်ပြောဆိုဖြေကြားပေးရတာ အရမ်းကို ၀မ်းသာပါတယ်… နန်းပုကို အရမ်းချစ်ကြတာ သိရလို့အရမ်းလည်း ကျေနပ်ပါတယ်နော်… နန်းပုဆီကို အမည်မဖော်ပဲနဲ့ လက်ဆောင်ပစ္စည်းတွေ ပေးပို့နေတဲ့ သူအားလုံးကို ကျေးဇူးတင်ပါတယ်… အထူးသဖြင့် အထက်တန်းကျောင်းတုန်းက ` ကလေးရယ် ´ သီချင်းနဲ့ တမျိုး၊ တက္ကသိုလ်တက်တော့ ` မ ´ သီချင်းနဲ့ တဖုံ၊ ` ကိုယ် မနေနိုင်ဘူးကွယ် ဖွင့်ပြောလိုက်တော့မယ်.. တော်ကြာ သူစိတ်ဆိုးမှာလည်း ဆိုး ´ ဆိုပြီး တည့်တည့်ပြောကြတဲ့ သက်တူ သူငယ်ချင်း အားလုံး အားလုံး.. နန်းပုကို ခုလို ချစ်ပေးကြလို့ ကျေးဇူးအထူးတင်ပါတယ် လို့… နောက် ဂျပန် အလည်သွားတုန်းက မွန်ဂိုးလီးယား ရေသန့်မင်းသမီးလေးနဲ့ တူတယ်ဆိုပြီး ၀ိုင်းကြည့်ကြသူ အားလုံးလည်း ကျေးဇူးမမေ့ပါဘူးနော် ´

` ခုလို ဟီးဟီးဟားဟားနဲ့ ပူးပေါင်းပြီး ဒီတပတ် ရွှီးမယ် ဖောမယ် အွန်လိုင်းဝယ် အစီအစဉ်လေးမှာ ၀ိုင်းဝန်းကူညီပေးတဲ့ ညီမ နန်းပုရေ ကျေးဇူးပါကွယ်… နောက်တပတ်မှာလည်း ၀ိုင်းရွှီး ၀ိုင်းဖော ဖို့ ဘယ်သူ့ကို ဖိတ်ခေါ်ပေးမလဲ ဆိုတာကို ကြားဖြတ် ကြေငြာမေးသွားမှာ ဖြစ်ပါတယ်ရှင်… ဒီအစီအစဉ်လေး တင်ဆက်ချိန်မှာ ဖုန်းဆက်ပြီး ၀င်ရွှီးချင်တယ်ဆိုရင်ဖြင့် ဖုန်းနံပါတ် 09-909-0420 ကို ဆက်သွယ်နိုင်ပါတယ်ရှင်… စီစဉ်သူကတော့ ကျမ မသိပ်သိပ်ချစ်ပါ.. ဟီးဟီးဟားဟားကို နားဆင်တဲ့ အတွက် ကျေးဇူးတင်ပါတယ်ရှင် ´

` ဂွီ… ဂေါ် ´

အစားအသောက် မီးလိုတောက်

ဒါက ညီမလေး ၀င်္ကပါ tag ထားတဲ့ အကြောင်းအရာလေးပါ။ သူ စ tagတုန်းက လွမ်းတဲ့ အစားအစာများတဲ့။ ကျမက နိုင်ငံရပ်ခြားမှာလည်း မဟုတ်၊ ဒီမှာတင်ဆိုတော့ ကြိုက်တာဝယ်စားလို့ ရနေတော့ ဘယ်အစားအစာကို လွမ်းရမှန်းမသိလို့ အကြောင်းအရာလေး ပြောင်းရေးလိုက်ပါတယ်နော်။ ကျမ ကြိုက်နှစ်သက်တဲ့ အစားအစာတွေအကြောင်းပဲ ပြောပြတော့မယ်။

ရခိုင်မုန့်တီ - ဘယ်လောက်ကြိုက်လဲ ဆိုရင် နေ့တိုင်းသောက်ရလည်း မရိုးနိုင်ပါဘူး။ ဒါပေမဲ့ ဟိုတလောတုန်းက နေမကောင်းဖြစ်လို့ အစပ်တွေ မစားရတဲ့ အချိန်တုန်းက ရှောင်လိုက်ရလို့ တပါတ်လောက် မစားဖြစ်လိုက်ဘူး။ အတော် လွမ်းခဲ့ရတဲ့ ကျမ အကြိုက် အစားအစာ တခုပါ။ စားမိပြီဆိုရင်လည်း ငရုတ်သီးတွေ အလွန်အကျွံထည့်စားရမှကို ကျေနပ်ပါတယ်။

ပဲကြာဇံသုပ် - သူက ရိုးရိုးအသုပ်လို မဟုတ်ဘူးနော်။ ရခိုင်သုတ်။ ဆီချက်တွေ ပဲမုန့်တွေ မပါပဲ ငရုတ်သီးအရည်နဲ့ ငါးဖတ်တွေကို ရောသုတ်ထားတာလေ။ စပ်သလားတော့ မမေးနဲ့။ အလွန့် အလွန်စပ်။ သူ့လည်း လွမ်းတာပဲ။ နေမကောင်းတော့ မစားရလို့။

ကြေးအိုး - သူများတွေ ကြေးအိုးဆီချက် ပိုကြိုက်ပေမဲ့ ကျမကတော့ ကြေးအိုးပဲကြိုက်တယ်။ ကြေးအိုးဆိုရင် ကလီစာတွေထည့်တာ မကြိုက်ဘူး။ အသားသက်သက်နဲ့ အရွက်များများထည့်ထားတာကို ကြိုက်တယ်။ ကျမ ကြေးအိုးတစ်ပွဲ စားရင် အမြဲတမ်း အသားဖတ်တွေ အများကြီးကျန်တတ်တယ်။ ကြေးအိုးကို ကြာဇံနဲ့ အရွက် ပိုအားထားပြီး စားလေ့ရှိပါတယ်။ ကျမ သူငယ်ချင်းတွေနဲ့ သွားစားရင် သူတို့က ကျမဆီက အသားတွေ အမြဲ ပိုစားရတယ်။ ခုဆို တုန်ယမ်းကြေးအိုး ပေါ်လာတော့ ပိုတောင် ကြိုက်သေး။ ချဉ်ချဉ်စပ်စပ်လေးနဲ့ အအီလည်း ပြေလို့လေ။ ကြေးအိုး စားပြီးတဲ့ည ဆိုလို့ကတော့ ရေအိုးဖက်ထားရပြီလေ။ တခါတုန်းကဆို အိပ်နေရင်းနဲ့တောင် လန့်နိုးတယ်။ ရင်တွေပူပြီး ရေတွေငတ်လို့ ထသောက်ရတယ်။ အော်… ကြေးအိုးကောင်းမှု။

မုန့်ဟင်းခါး - မနက်ပိုင်း breakfast စားမယ်ဆို မုန့်ဟင်းခါးပဲ စားချင်တယ်။ ဟိုတခါ သူငယ်ချင်းတွေနဲ့ မန္တလေးသွားလည်တုန်းကပေါ့။ ကျမတို့ တည်းတဲ့ ဟိုတယ်လ်က breakfast ကို buffet ကျွေးပါတယ်။ ဒီလောက် စားစရာတွေ များပြီး ထူးထူးဆန်းဆန်းတွေ အများကြီးထဲကမှ ကျမက မုန့်ဟင်းခါးကို ရွေးစားလို့ သူငယ်ချင်းတွေ ကတောင် ၀ိုင်းရယ်ကြတယ်။ နောက်နေ့ကျ သူတို့ buffet menu ထဲမှာ မုန့်ဟင်းခါး မပါတော့ အဲဒါမှ မစားရရင် မဖြစ်ပါဘူးဆိုလို့ မြို့ထဲပတ်ပြီး မုန့်ဟင်းခါး ရှာပုံတော်ဖွင့်ရတယ်။ အချိန်ကလည်း နည်းနည်း နောက်ကျနေပြီ ဆိုတော့ ရှာလိုက်ရတာ။ တွေ့တော့တွေ့ပါရဲ့။ မကောင်းလိုက်တဲ့ အရသာ။ ပဲတွေများပြီး ဘယ်လိုမှကို မုန့်ဟင်းခါး အရသာ မပေါက်ဘူး။ ချိုတိုတိုကြီးနဲ့ မသိရင် အုန်းနို့ခေါက်ဆွဲကျနေတာပဲ။

ကော်ဖီ - ဒါကတော့ ကျမ အတွက် မရှိမဖြစ်ပေါ့။ မနက်ဖက်ဆိုရင် ကော်ဖီတခွက်သောက်ရရင် လုံလောက်တယ်။ အရမ်းလည်း ကြိုက်တယ်။

ဒီလောက်ပဲနော်။ ရေးရင်းနဲ့ ဗိုက်ဆာလာလို့ ထမင်းသွားစားလိုက်ဦးမယ်။ :)

မဖတ်ဖြစ်မှာ သေချာတဲ့ ချစ်သူအတွက်ရေးတဲ့စာ

အော်… မင်းလိုချင်နေခဲ့တာ ဒါတွေလား။ ငါမရိပ်မိခဲ့ဘူး ချစ်သူ။ ပေးနိုင်လိမ့်မယ်လို့လည်း မထင်ဘူး။ မင်းအတွက် အမုန်းဆိုတာ ငါ့ဆီမှာ မရှိသလောက် ရှားတယ်။ နာကျည်းမိရင် ငါခံစားနေရတာတွေ သက်သာမလားတွေးမိပေမဲ့ ဒါဟာ ငါလိုချင်ခဲ့တဲ့ အဖြေတော့ မဟုတ်တာ သေချာတယ်။ ဒါကိုမှ မင်းက တရှိုက်မက်မက် လိုချင်တယ်ဆိုတော့လည်း ငါရင်ကွဲခံရုံပေါ့ ချစ်သူ။ ကျေနပ်ပါ။ ဒီလောက်နဲ့ပဲ ကျေနပ်ပါတော့။

မင်းနဲ့ငါရဲ့ အကြီးမားဆုံး ကွာခြားချက်… ငါခုမှ နားလည်တယ်။ မင်းမလိုချင်တာ ငါ့အချစ်။ ငါမလိုက်လျောနိုင်ခဲ့ဘူး။ ခွင့်လွှတ်တော့ ချစ်သူ။ ပါးပြင်မှာ မျက်ရည်စီးမှ ငိုတယ်လို့တော့ မထင်နဲ့။ ငါ့ရင်တွေ ကွဲကြေလို့ ကျလာတဲ့ သွေးစက်… ။ မင်း ခြေဖ၀ါးအောက်ထိ စီးစေရမယ်။ မကြည့်ချင်ရင် မျက်နှာကြိုလွှဲထား ချစ်သူ။

တကယ်တော့လေ အိပ်မက်တွေနဲ့ ဘ၀ရှေ့ဆက်နေတဲ့သူဟာ အရှုံးသမားပဲ။ မင်းလို မျှော်လင့်ချက်တွေ ပြည့်နေတဲ့ လူတယောက်အဖို့ ငါလိုလူရဲ့ အချစ်ကို ဥပက္ခာပြု နင်းလျှောက်သွားဖို့ဆိုတာ အလွယ်သားနော်။ ငါ့အိပ်မက်တွေကျတော့ လှောင်ပြောင်ရီမောစရာ အဖြစ်နဲ့ အလေးအနက်မထားပဲ မင်းရိုက်ချရက်တယ်။ ဒါပေမဲ့ အဲ့ဒီ့ အိပ်မက်တွေမှာ ငါ့ မျှော်လင့်ချက်တွေ ကပ်ပါသွားတာ မင်း မရိပ်မိတာလား။ ဟန်ဆောင်နေခဲ့တာလား။

တောင်းပန်တယ် ချစ်သူ။ နောက်ဆုံးအချိန်အထိ မင်းလိုချင်တာ ငါမလိုက်လျောပေးနိုင်သေးဘူး။ မင်းစိတ်ချမ်းသာမယ်ဆိုရင်တော့ ငါ မင်းကို နာကျည်းချင်ယောင်ဆောင်ပေးမယ်။ ကျေနပ်တော့ ချစ်သူ။

ဘယ်သူက ဘာကောင်လဲ

ကျမညီမလေး မေပျို tag ထားတာလေးပါ။ အပျင်းကြီးနေတာနဲ့ စာလည်းမရေးဖြစ်ပါဘူး။ ညီမလေး tag တော့မှပဲ ပြန်ရေးဖြစ်တော့တယ်။ ငါဘာကောင်လဲတဲ့။ tag တတ်လိုက်ကျတာနော်။ ဒီတော့လည်း ပြောရချည်သေးရဲ့။ ဖတ်ပြီး ထမင်းစားချင်စိတ် ပျက်က တာဝန်မယူပါ။

ရုပ်ရည်သွင်ပြင်လေးက အရင် စပြောရအောင်နော်။

မျက်လုံး - အရမ်းလှတယ်လို့တော့ မျက်မှန် အနက်ကြီးတပ်ထားရင် ပြောကြတာပဲ။ ဒါပေမဲ့ မျက်လုံး တစ်ဖက်စီက သူငယ်အိမ် နှစ်ခုက တယောက်နဲ့ တယောက် ရန်ဖြစ်ထားတော့လေ တယောက်က အပေါ်ကြည့်ရင် နောက် တယောက်က ဘေးကိုကြည့်တယ်။ အချင်းချင်း အရွဲ့တိုက်ကြတာလေ။ သူတို့လုပ်တာနဲ့ ကျမမှာ မျက်စိစောင်းနေတယ် ဆိုပြီး အပြောခံရပါလေရော။ ခက်တယ်နော်။

မျက်ခုံး - အများနဲ့ မတူ အလှဘွဲ့ယူမှာနော်။ အထင်တော့ မသေးနဲ့။ လှချင်လွန်းလို့ လက်စွမ်းပြမိပါတယ်။ လက် အရှိန်လွန် သွားလို့ တပိုင်းပြတ်နေတဲ့ မျက်ခုံးမွှေး စတိုင်လ်လေးက တမျိုးတော့ အထူးသား။ ကြိုက်ပြီး လိုက်လုပ်တော့မယ် မဟုတ်လား။ သိနေတယ်လေ။ အဟတ်ဟတ်…

နှာခေါင်း - သူလည်း သူ့ဟာသူတော့ လှတာပဲ။ ကျမ ဘေးတိုက် ရိုက်ထားတဲ့ ဓါတ်ပုံကို ကြည့်ပြီး သူလေး ကတောင် ပြောသေးတယ်။ ခြေတံလေးကို စင်းနေတာပဲတဲ့။ မယုံမရှိနဲ့နော်။ နှာခေါင်းဆိုတာ မျက်စိနှစ်လုံးခြားမှာ။ ဟီးဟီး။

ပါး - ၀က်ခြံတွေ အပြွတ်လိုက် ထွက်နေတာနဲ့ အဆီတွေပြန် တတ်တာက လွဲလို့ အတော် စွဲဆောင်မှုရှိတဲ့ ပါးလေးပါ။ တခါတလေ လက်နဲ့ ဆိတ်မိဆွမိလို့ ရောင်ကိုင်းနေတဲ့ အချိန်လေးက လွဲပြီး အခြား အချိန်ဆို လူတိုင်း နှစ်ခါပြန် လှည့်ကြည့်ခံရလောက်အောင် လှတာ။ အဟုတ်။

နှုတ်ခမ်း - အဆိပ်သင့်တဲ့ နှုတ်ခမ်းလို့ သူများတွေက ချစ်စနိုးလေး ခေါ်ကြတယ်။ ဘာလို့လဲ သိလား။ နှုတ်ခမ်းနီ အကုန်ခံပြီး ဆိုးနေစရာကို မလိုဘူး။ နဂို အော်ရီဂျင်နယ်ကိုက ညိုပုပ်ပုပ် အရောင်လေး။ ကဲ ဘယ်လောက် ကဗျာ ဆန်လိုက်လဲနော်။

သွား - ငယ်ငယ်ထဲက သွားပိုးတွေ စားပြီး နှုတ်ထားရလို့ မဆိုသလောက်လေး နည်းနည်းတော့ ကျဲတယ်။ သွားပိုးစားနေတာတွေသာ အကုန်နှုတ်ရရင် ဖွားဖွားကြီးရုပ်ပေါက်သွားမှာ စိုးလို့ ရှေ့သွားလေးတွေကို ပိုးစားနေတဲ့ အတိုင်း နယ်ထရယ်လေးပဲ ထားလိုက်တော့တယ်။ သိတယ်မဟုတ်လား။ နယ်ထရယ် ဘူးသီး ဘယ်လောက် တန်ဖိုးရှိတယ်ဆိုတာ။

ဆံပင် - အတွေးနည်းနည်းလွန်ပြီး အရွယ်မတိုင်ခင် ဖြူကုန်တာနဲ့ ခုခေတ် ဟိုက်လိုက်လုပ်တာနဲ့ သွားတိုက်ဆိုင်နေတော့ ဂွင်ပေါ့။ မသိရင် ဟိုက်လိုက်လေးတွေပဲ ဖောက်ထားသလိုလို ဘာလိုလိုနဲ့ ချောလဲ ရောထိုင်ပေါ့။ ဘယ်သူမှ ပြောရဘူးနော်။ ဒီက ခင်လို့ ပြောပြတာ။ လျှို့ဝှက်ချက်တွေကို ဘယ်သူမှ သိတာ မဟုတ်ဘူး။ ရှူးတိုးတိုး။

ဘော်ဒီရှိပ် - ရေးရမှာ ပျင်းတယ်ကွာ။ ကိုယ့်ဖာသာကိုယ်သာ တွေးကြည့်လိုက်တော့။ ဂျနီဖာ အင်နက်စတန် ( Jennifer Aniston ) လိုမျိုးလေးလို့ တွေးလည်း စိတ်မဆိုးဘူးနော်။ တကယ်… ဒီက အရမ်း သဘောထားကြီးတာ။ တွေးကြည့်တာနဲ့တင် သိတယ်မဟုတ်လား။

ကဲ ရုပ်ရည်သွင်ပြင်ကတော့ ဒီလောက်ပါပဲကွယ်။ ခုဆိုရင် ကျမ Helena ဘယ်လို အလှအပတွေ ပိုင်ဆိုင်တယ်ဆိုတာ အားလုံးပဲ သဘောပေါက်လောက်ရောပေါ့။ ထမင်းစား ပျက်သွားမယ်ဆို တာဝန်မယူဘူးနော်။ ဒီက အစကတည်းက ကြိုပြောပြီးသား။ စိတ်နေစိတ်ထားလေး ဆက်လိုက်ကြဦးစို့။

သောကြာသမီးဆိုပေမဲ့ ကိုယ်နဲ့ စကားပြောရတာ သိပ်ကီးမကိုက်တဲ့ သူနဲ့ဆိုရင် တခွန်းက နှစ်ခွန်းပြောရမှာတောင် စိတ်သိပ်မပါဘူး။ အော်.. အဆင်ပြေတဲ့သူနဲ့ ဆိုရင်လား။ ပြောမနေပါနဲ့တော့… အသားကုန် လွှတ်တာ။ သူအားတာ မအားတာ နားမလည်ဘူး။ ကိုယ်ပြောချင်တာ ပြောရဖို့က အဓိက။ အဲလို အလိုက်ကန်းဆိုးသိတာနော်။

မေ့တတ်တာကလည်း တရားလွန်ပါပဲ။ အဓိက အနေနဲ့ကတော့ သူများဆီက ပိုက်ဆံချေးပြီးရင် လုံးဝကို မမှတ်မိတော့တာပဲ။ ကိုယ့်ဆီက ချေးတာမျိုးကျတော့ အမေ့ကို မှတ်ခိုင်းထားလိုက်တယ်။ အဲဒါ စိတ်အချရဆုံးပဲလေ။

အရမ်းလည်း ချိုးခြံချွေတာ တတ်သေးတယ်။ ဒါကို မနာလိုသူတွေက ကပ်စီးနည်းတယ်ရယ်လို့ ကဲ့ရဲ့တတ်ကြသေးတယ်။ ဂရုမစိုက်ပါဘူး။ အော် ဟုတ်တယ်။ အဲလို သူများတွေ ကိုယ့်ကိုထင်တဲ့ အထင်တွေကိုလည်း လိုက်ပြီး ဂရုမစိုက်တတ်ပြန်ပါဘူး။

ကိုယ်လုပ်စရာ ရှိတဲ့ ကိစ္စကို နောက်ကနေ ` လုပ်လေ… လုပ်လေ.. ´ နဲ့လိုက်ပြီး တွန်းနေရင် အရွဲ့တိုက်ပြီး ပိုကြာအောင် အချိန်ဆွဲထားပြီးမှ လုပ်တတ်တယ်။

ကျန်တာတွေကတော့ အများကြီးပေါ့။ ဘာမှန်းမသိ ညာမှန်းမသိ ရမ်းသမ်းပြီး အီစီကလီထုတာတွေကို မုန်းတယ်။ ဘာမှ မခက်တဲ့ ခပ်လွယ်လွယ် ကိစ္စလေးတွေကို ဘယ်လိုမှ ရှင်းပြလို့ မရအောင် ဥာဏ်တိန်နေတတ်တဲ့ သူမျိုးဆို စိတ်လေတတ်တယ်။ ဒီလောက်ပဲကွယ်။ တော်ပြီ။ ဒီလောက် ကိုယ်ပေါင်ကိုယ် လှန်ထောင်းပြတာနဲ့တင် ကျေနပ်ကြပါလို့။